Hindi napigilan ng aktor na si Albie Casiño na ilabas ang kanyang saloobin hinggil sa kontrobersiyang kinasasangkutan ng Monterrazas de Cebu project, na kamakailan ay nasangkot sa isyu ng landslide at environmental risk.
Sa isang panayam ng ABS-CBN News, tahasang pinuna ni Albie si Slater Young, isa sa mga lead developers ng proyekto, dahil sa umano’y kakulangan ng pag-ako ng pananagutan at katahimikan nito matapos ang nangyaring trahedya.
“Nung nagsisimula ‘yung project, sinasabi niya na hindi raw mangyayari (harmful impacts). ‘Yung sinasabi nilang hindi mangyayari ay nangyari. So, I just wanna know” - Albie Casiño, sa panayam ng ABS-CBN News
Ayon sa aktor, tila nagkaroon ng selective outrage o pagpili ng mga isyung gustong pansinin, lalo na kapag ang sangkot ay mga kilalang personalidad. Giit ni Albie, kahit pa personal niyang kilala ang mga tao sa likod ng proyekto, hindi iyon dahilan para manahimik sa harap ng pagkakamali.
Ipinahayag din ng aktor ang kanyang pagkadismaya sa tila kawalan ng empathy mula sa mga responsable sa proyekto, lalo na sa mga pamilyang naapektuhan ng insidente. Sa huli, nanawagan si Albie Casiño kay Slater Young na magsalita at ipakita ang malasakit sa mga naapektuhan, kahit simpleng pakikiramay man lang.
Ang pahayag ni Albie Casiño ay nagsilbing malakas na boses ng mga Pilipinong naghahanap ng pananagutan at malasakit mula sa mga taong may impluwensya sa lipunan. Sa halip na manahimik, pinili ni Albie na magsalita para sa mga biktima at pamilya ng trahedya, na ayon sa kanya, karapat-dapat marinig at matulungan.
Walang komento:
Mag-post ng isang Komento