Muling uminit ang diskurso sa pulitika matapos maisama sa ikalawang impeachment complaint ang umano’y pagkakadawit ni Ferdinand Marcos Jr. sa flood control kickbacks. Ngunit ayon kay Atty. Claire Castro, mahihirapan ang mga nag-akusa na patunayan ito.
“Kung ang ebidensya ay ‘sabi-sabi’ at ‘malamang alam niya ’yan,’ mahirap talagang manalo. Ang impeachment hindi hulaan korte ’yan, hindi comment section.” -Atty. Claire Castro
Giit ni Castro, hindi sapat ang alegasyon o hinala lalo na kung ang pinag-uusapan ay direktang partisipasyon ng Pangulo sa isang komplikadong sistema ng pondo at proyekto.
Ipinaliwanag ni Castro na ang mga flood control projects ay dumadaan sa maraming antas ng ahensya at opisyal mula sa local implementers hanggang sa national agencies. Dahil dito, hindi awtomatikong nangangahulugan na ang Pangulo ay sangkot sa anumang iregularidad.
Binigyang-diin din ni Castro na ang impeachment ay isang seryosong proseso, hindi espasyo para sa haka-haka. Kapag walang matibay na ebidensya, ang reklamo ay maaaring bumagsak at magmukhang politically motivated sa mata ng publiko.
Ang pahayag ni Claire Castro ay paalala na sa demokrasya, hindi sapat ang matunog na paratang kailangan ng malinaw at matibay na patunay. Ang pag-uugnay kay Pangulong Marcos sa flood control kickbacks ay maaaring isang mabigat na akusasyon.
Walang komento:
Mag-post ng isang Komento