Muling umingay ang pangalan ng aktor at dating politiko na si Anjo Yllana matapos ang kanyang mainit na rebelasyon tungkol sa kilalang komedyante at TV host na si Allan K. Sa isang viral video, diretsahang ibinunyag ni Anjo na umano’y nagmayabang si Allan K tungkol sa pag-“book” niya umano sa ilang basketball players, kabilang na si James Yap, kapalit lamang ng magandang pares ng rubber shoes.
“Lagi naman niyang niyayabang. E may nagtanong, ewan ko kung si Joey de Leon ang nandoon. ‘E si James Yap?’ Tumatawa-tawa siya tapos umamin siya na dinala niya daw si James Yap sa bahay niya sa Tandang Sora at binigyan lang ng magandang rubber shoes, na-booking na niya,” - Anjo Yllana
Ang pahayag na ito ay dumating matapos sabihan umano ni Allan K si Anjo na “huwag nang magpulitika” dahil “dadagdag lang siya sa problema ng bansa.” Ngunit imbes na manahimik, naglabas ng matinding kontra-rebelasyon si Anjo bilang sagot.
Ayon sa mga ulat, nagsimula ang bangayan nang maglabas si Anjo Yllana ng opinyon tungkol sa kalagayan ng entertainment industry at pamahalaan, na umano’y hindi nagustuhan ni Allan K.
Sa halip na iwasan ang isyu, sumagot si Anjo sa pamamagitan ng video kung saan idinetalye niya ang mga umano’y “sekretong ipinagyayabang” ni Allan K sa kanilang mga dating kasamahan sa industriya.
Ang alitan nina Anjo Yllana at Allan K ay patunay na kahit sa showbiz, hindi ligtas ang mga personalidad sa mga bangayan at rebelasyon. Habang nananatiling tahimik ang panig ni Allan K, patuloy naman ang paglalabas ng saloobin ni Anjo na tila handang ipaglaban ang kanyang reputasyon kahit sino pa ang kanyang makabangga.
Walang komento:
Mag-post ng isang Komento