Sa gitna ng ikalawang araw ng kilos-protesta ng Iglesia ni Cristo (INC) sa Quirino Grandstand sa Maynila, naging emosyonal ang panawagan ni Senadora Imee Marcos sa kanyang kapatid na si Pangulong Ferdinand “Bongbong” Marcos Jr., kung saan hinimok niya itong “tapusin na ang paghihirap ng bayan.”
Sa gitna ng libu-libong nagpoprotesta laban sa katiwalian at kakulangan ng gobyerno sa pagtugon sa mga kalamidad, tumayo si Imee sa entablado at naglabas ng matinding damdamin laban sa kapatid isang tagpo na ikinagulat ng marami.
“Tama na, ading ko. Tapusin mo na ang paghihirap mo at umalis na tayo sa Palasyo" - Sen. Imee Marcos
Habang puno ng sigawan at plakard ang paligid, humina ang tinig ni Sen. Imee nang magsalita tungkol sa kanilang nakaraan. Aniya, bilang ate, hindi niya kayang manahimik habang nakikita niyang nahihirapan ang kapatid at ang buong bansa.
“Ading ko, ako pa rin ito. Ako pa rin ang ate mo na tumayo bilang ama’t ina sa’yo sa ibang bansa. Hindi kita kinakalaban, pero gusto kong maalala mo kung sino ka bago ang kapangyarihan.” -Sen. Imee Marcos
Marami sa mga dumalo ang napa-iyak habang pinapakinggan ang emosyonal na talumpati ni Imee. Para sa ilan, ito ay hindi lang mensahe ng pulitika, kundi ng pamilya na sumasailalim sa matinding pagsubok. Sa parehong talumpati, hinimok ni Sen. Imee ang Pangulo na pakinggan ang hinaing ng mamamayan at harapin ang mga alegasyon ng katiwalian at kapabayaan.
Ang emosyonal na panawagan ni Senadora Imee Marcos ay nagbukas muli ng usapin tungkol sa pamilya, kapangyarihan, at responsibilidad sa bayan. Bagama’t marami ang nagulat sa kanyang mga salita, malinaw na ito ay pahayag ng damdamin ng isang kapatid na nananawagan ng pagbabago.
Walang komento:
Mag-post ng isang Komento