Matapos ang mga kontrobersyal na pagbulgar hinggil sa umano’y ₱100-bilyong bicam budget insertion, naglabas ng matinding pahayag si Senador Panfilo “Ping” Lacson laban sa mga opisyal ng gobyerno na di umano’y umaabuso sa kabaitan ni Pangulong Ferdinand “Bongbong” Marcos Jr.
Ayon kay Lacson, hindi na dapat tinitiis ang mga opisyal na gumagamit ng pangalan ng Pangulo para sa pansariling interes, dahil ang ganitong gawain ay nagpapahina sa tiwala ng publiko sa pamahalaan.
“No matter how kind-hearted he is, let’s not take advantage. Enough is enough.” - Sen. Ping Lacson
Ibinunyag ni Lacson na lumapit sa kanya si dating DPWH Undersecretary Roberto Bernardo upang pabulaanan ang mga pahayag ni dating Ako Bicol Rep. Zaldy Co, na umano’y si Pangulong Marcos ang nag-utos ng budget insertion. Ayon kay Bernardo, hindi kailanman nag-utos ang Pangulo, at siya mismo ang nag-deliver ng mga bilyon-bilyong kickbacks kay dating Usec. Trygve Olaivar, hindi kay Marcos.
Dahil dito, iginiit ni Lacson na oras na upang matauhan ang mga nasa kapangyarihan at tigilan na ang paggamit sa pangalan ng Pangulo sa mga ilegal na transaksyon.
Nanawagan si Lacson sa lahat ng mga opisyal ng gobyerno na maging tapat at responsable sa kanilang tungkulin. Aniya, hindi dapat gawing “gatasan” ang gobyerno, lalo na’t ang tiwala ng Pangulo ay hindi dapat sinasamantala.
Ang matinding pahayag ni Senador Ping Lacson ay isang malinaw na babala sa mga opisyal ng gobyerno na huwag abusuhin ang kabaitan at tiwala ni Pangulong Bongbong Marcos.
Walang komento:
Mag-post ng isang Komento