Nagbigay ng matapang at emosyonal na pahayag si Ai Ai delas Alas matapos niyang kumpirmahing binawi niya ang Green Card petition na dati niyang ipinasok para sa kanyang dating asawang si Gerald Sibayan.
Sa isang panayam kay Boy Abunda, inamin ng komedyante na ang desisyong ito ay hindi dahil sa galit, kundi bilang pagpapahalaga at proteksyon sa sarili matapos maramdaman na tila siya’y naabuso sa emosyon at tiwala.
“Noong una, ayoko talagang gawin ‘yon,” ani Ai Ai. “Pero nung bandang huli, naisip ko, parang ayoko namang maging santa. Kahit pangit pakinggan, pero ‘yun na lang ‘yung ganti ko para sa sarili kong nasaktan.”
Kinumpirma rin ng aktres na narevoke na ang petition, ngunit wala pa raw pinal na desisyon ang korte tungkol sa kanilang divorce case.
Ayon kay Ai Ai, si Gerald mismo ang unang nagpahayag ng kagustuhang lumipat sa Amerika, kaya’t siya lamang ang tumulong para maisakatuparan iyon. Ngunit matapos ang kanilang paghihiwalay, naisip niyang mas mainam na putulin ang anumang legal na koneksyon para makapagsimula siya ng panibagong yugto ng buhay.
“Siya naman ‘yung nagsabi na gusto niyang pumunta ng Amerika. Hindi naman ako ‘yung nagyaya,” dagdag ni Ai Ai.
Matatandaang inanunsyo ng aktres ang kanilang paghihiwalay noong nakaraang taon matapos ang sampung taong pagsasama. Inamin ni Ai Ai na si Gerald mismo ang nagsabing hindi na siya masaya at gusto niyang magkaroon ng anak isang bagay na hindi na nila napagkasunduan.
Ang ginawa ni Ai Ai ay tinuturing ng marami bilang isang pagpapakita ng self-respect at pagpapatatag bilang babae isang halimbawa ng pagiging matapang sa gitna ng pagkasira ng isang relasyon. Ang kwento ni Ai Ai Delas Alas ay isang makabagbag-damdaming aral tungkol sa pagmamahal sa sarili at pagtatapos ng isang kabanata nang may dignidad.
Walang komento:
Mag-post ng isang Komento