Sa gitna ng mga patuloy na batikos at panawagang pabagsakin ang administrasyong Marcos, nagsalita si dating Philippine National Police (PNP) Chief Rommel Marbil upang depensahan ang Pangulo laban sa mga paratang kaugnay ng paggamit umano ng ipinagbabawal na gamot.
Sa kanyang matapang na pahayag, sinabi ni Marbil na hindi agad dapat husgahan ang isang tao dahil lamang sa mga akusasyon ng paggamit ng droga.
Ayon sa kanya, may mga pagkakataong ginagamit ito ng ilang indibidwal, hindi bilang bisyo, kundi upang makayanan ang matinding puyat at pagod sa trabaho.
“Hindi ibig sabihin na nag-take ka ng drugs ay adik ka na. Yung iba, ginagamit lang nila ito para manatiling gising dahil mahaba ang oras ng trabaho nila.” - Rommel Marbil
Dagdag ni Marbil, ang mga patutsada laban sa Pangulo ay tila walang basehan at may halong pulitika. Aniya, sa halip na ibagsak ang liderato, dapat suportahan ng sambayanan ang mga programa ng administrasyon na nakatuon sa kaayusan at reporma.
Nilinaw din ng dating PNP Chief na ang kanyang pahayag ay hindi pagtatanggol sa paggamit ng ipinagbabawal na gamot, kundi isang paalala na hindi dapat agad humusga nang walang sapat na ebidensya.
Sa panahon ng matinding intriga at mga alegasyon, muling pinaalalahanan ni dating PNP Chief Rommel Marbil ang publiko na ang pagkakaisa at pag-unawa ang kailangan ng bansa, hindi sisihan at paninira.
Walang komento:
Mag-post ng isang Komento