Buong tapang na ipinagtanggol ni Atty. Claire Castro si Pangulong Ferdinand “Bongbong” Marcos Jr. matapos muling ungkatin ng ilan ang isyu ng umano’y paggamit ng ipinagbabawal na gamot. Ayon kay Castro, hindi ito bagong usapin dahil noon pa man, napatunayan nang negatibo sa c*caine ang Pangulo noong 2021.
“Huwag nating kalimutan na noong 2021 pa, nagpa-drug test na ang Pangulo at lumabas na negative siya sa c*caine. Hindi duwag si Pangulong Marcos, kaya niyang harapin ang anumang isyu ng may dignidad.” -Atty. Claire Castro
Dagdag pa ni Atty. Castro, ang tunay na lider ay hindi umiiwas sa pananagutan at handang patunayan ang katotohanan sa harap ng publiko. Anya, si Marcos ay isa sa iilang lider na hindi tumatakas sa mga paratang, bagkus ay hinaharap ito nang may tapang at respeto.
Nilinaw din ni Castro na ang isyu ng droga ay ginagamit lamang ngayon ng ilang personalidad bilang taktika sa politika upang sirain ang kredibilidad ng Pangulo.
Ayon sa kanya, hindi dapat basta maniwala ang publiko sa mga paratang na walang basehan at dapat manatiling mapanuri.
Ayon kay Castro, mahalagang tandaan ng bawat Pilipino na ang paghuhusga ay dapat nakabase sa katotohanan, hindi sa ingay ng social media. Sa harap ng mga bagong batikos at paulit-ulit na paratang, muling pinatunayan ni Pangulong Marcos Jr. ang kanyang katapangan at integridad.
Walang komento:
Mag-post ng isang Komento