Sa isang matapang na pahayag, muling ipinakita ni Vice Ganda ang kanyang malasakit sa kapwa Pilipino matapos niyang tuligsain ang mga congressman at politiko na diumano’y namumuhay nang marangya habang ang karaniwang mamamayan ay patuloy na naghihirap.
Ayon kay Vice, nakakabahala na sa kabila ng tumitinding kahirapan sa bansa, maraming opisyal ng gobyerno ang tila walang pakialam at patuloy na namumuhay sa karangyaan.
“May mga politiko at congressman na may dalawampung bahay at animnapu’t pitong sasakyan, samantalang ang mga Pilipinong nagbabayad ng buwis para sa kanila, hirap na hirap kumita ng pantawid sa araw-araw,” saad ni Vice.
Dagdag pa niya, tila nawala na ang konsensya ng ilan sa mga taong nasa posisyon dahil habang ang iba ay nagtatampisaw sa luho, libu-libong Pilipino naman ang naghahanap ng makakain at nanlilimos ng pag-asa.
Hindi napigilan ni Vice ang kanyang emosyon habang sinasabi na hindi dapat tinatanggap ng mga Pilipino ang ganitong uri ng pang-aapi.
“Dapat huwag na tayong pumayag na api-apihin. Grabe na, sobra na! Walang Pilipino ang dapat maghirap,” mariing pahayag ni Vice Ganda.
Maraming netizens ang pumuri kay Vice sa kanyang tapang at katapatan, at sinabing isa siya sa iilang personalidad sa showbiz na ginagamit ang kanyang plataporma upang ipaglaban ang katarungan at dignidad ng mga Pilipino.
Ang matapang na pahayag ni Vice Ganda ay sumasalamin sa damdamin ng milyon-milyong Pilipino na pagod na sa kawalang-katarungan at sa tila walang katapusang paghihirap. Ang kanyang mensahe ay hindi lamang panawagan ito ay hamon sa bawat isa na maging mapanuri, manindigan, at ipaglaban ang karapatan.
Walang komento:
Mag-post ng isang Komento