Hindi maikakaila na si Vice Ganda, kilala bilang “Unkabogable Superstar,” ay isa sa mga pinakamayamang artista sa industriya ng showbiz ngayon. Ngunit ayon sa kanya, ang sikreto sa kanyang tagumpay ay hindi luho, kundi disiplina sa pera.
Sa isang panayam, ibinahagi ni Vice ang kanyang simpleng prinsipyo sa buhay pinansyal: “Hindi talaga ako magastos kaya ako nakakaipon. ‘Yung pamilya ko, hindi rin magastos.”
Lumaki raw siyang sanay sa pagtitipid, at ito ang naging pundasyon ng kanyang kasalukuyang yaman.
“So nung kumikita na ako, sobrang tipid ko kaya ako nakaipon. Takot na takot kasi akong maghirap. So kung gumastos man ako ngayon, hindi siya malaking epekto sa savings ko,” ani Vice.
Sa likod ng mga designer clothes, luxury cars, at mga malalaking bahay ni Vice Ganda ay isang taong marunong mag-budget at magplano sa hinaharap. Ayon sa kanya, hindi siya basta-basta bumibili ng gusto lang lagi niyang iniisip kung may mas mahalagang paggagamitan ng pera.
Ang pahayag ni Vice na ito ay nagpapatunay na kahit gaano ka pa kasikat o kayaman, dapat laging may takot sa pag-aaksaya at may respeto sa perang pinaghirapan. Aminado siyang ang karanasang lumaki sa hirap ang nagturo sa kanya kung paano pahalagahan ang bawat sentimo.
Para kay Vice, ang takot na iyon ay hindi negatibo, ito ang nagtulak sa kanya para maging responsable, masinop, at matalino sa paghawak ng pera. Sa likod ng kanyang mga jokes, glamour, at kasikatan, si Vice Ganda ay isang ehemplo ng financial discipline at determinasyon.
Walang komento:
Mag-post ng isang Komento