Sa panahong marami ang nakararanas ng kalungkutan, pagod, at kawalan ng direksyon, muling nagbigay ng makabuluhang paalala si Alden Richards tungkol sa kahalagahan ng pananampalataya at pagdarasal, lalo na sa mga oras na tila gusto mo nang sumuko sa buhay.
“Huwag tatanggalin ang ugali ng pagdarasal. Kausapin niyo ang Diyos, sabihin mo lang yung nasa loob mo para gumaan. Kasi you can only do so much…” -Alden Richards
Ang simpleng mensaheng ito ni Alden ay nagbigay pag-asa sa maraming Pilipino, lalo na ngayong panahon na mas dumarami ang nakararanas ng depresyon at mental health struggles.
“Lahat tayo napapagod. Lahat tayo may mga gabi na gusto na lang umiyak. Pero sana, sa mga sandaling ‘yon, huwag mong kalimutang lumapit sa Diyos. Hindi Niya hahayaan na mag-isa ka. Kapag wala ka nang lakas, Siya mismo ang magbibigay niyon sa’yo. Manalangin ka kahit mahina, kahit luhaan. Kasi minsan, ‘yung dasal mo lang ang sagot na hinihintay mo.” - Alden Richards
Ang mensahe ni Alden ay tila tugon at paalala sa mga katulad ni Emman na sa gitna ng pagod at kawalan ng pag-asa, mayroong Diyos na laging handang makinig. Hindi kailangang maging malakas sa lahat ng oras, dahil minsan, sapat na ang paglapit at pakikipag-usap sa Kanya para gumaan ang kalooban.
Marami ang nakarelate sa sinabi ni Alden, lalo na’t sa mundo ngayon na mabilis at puno ng presyur, madaling makalimutan ang pagdarasal. Ang kanyang payo ay paalala na ang panalangin ay hindi lamang paniniwala ito ay pahinga, sandigan, at lakas.
Ang mensahe ni Alden Richards ay isang malalim na paalala sa bawat Pilipino na sa kabila ng mga problema, takot, at sakit na nararanasan sa buhay, ang panalangin ay nananatiling pinakamabisang sandata.
Walang komento:
Mag-post ng isang Komento