Dumating ngayong Martes, Oktubre 7, 2025, si Senador Jinggoy Estrada sa Quezon City Prosecutor’s Office upang magsampa ng perjury complaint laban kay Brice Hernandez, dating assistant district engineer ng Department of Public Works and Highways (DPWH). Ito ay matapos idawit ni Hernandez ang pangalan ng senador sa umano’y katiwalian sa mga flood control projects ng pamahalaan.
“Hindi ako papayag na sirain ng kasinungalingan ang pangalan ko. Ang hustisya ay dapat manaig, at ang katotohanan ay kailangang lumabas.”
Ayon kay Estrada, hindi niya palalampasin ang pagkasira ng kanyang pangalan at reputasyon dahil lamang sa mga “malisyoso at gawa-gawang paratang.”
“Ang kasinungalingan ay kasalanan lalo na kung ito ay ginagamit para sirain ang isang tao,” giit ni Estrada sa harap ng media matapos ihain ang reklamo. Idinagdag niya na ang pagsasampa ng perjury complaint ay hindi lamang para linisin ang kanyang pangalan kundi upang maging babala sa sinumang gagamit ng kasinungalingan para sa pansariling interes o pulitikal na layunin.
Ang kasong perjury ay isinampa ni Estrada bilang tugon sa umano’y kasinungalingan ni Hernandez sa ilalim ng panunumpa. Sa ilalim ng batas, ang sinumang mahuling nagsinungaling habang nasa ilalim ng panunumpa ay maaaring makulong at mawalan ng kredibilidad bilang saksi.
Ang hakbang ni Senador Jinggoy Estrada na magsampa ng perjury complaint ay isang patunay na hindi dapat balewalain ang kasinungalingan sa gitna ng mga seryosong isyung bumabalot sa gobyerno. Sa gitna ng mga akusasyon, iginiit ng senador ang kanyang karapatan sa hustisya at katotohanan.
Walang komento:
Mag-post ng isang Komento