Mainit ngayon sa showbiz ang pangalan ni Ivana Alawi matapos kumalat ang mga balita na nagkakaroon ng seryosong problema sa production ng kanyang pelikulang Shake, Rattle & Roll, na bahagi ng Metro Manila Film Festival (MMFF) 2025 lineup.
Maraming staff at co-actors ang naiirita na raw sa sitwasyon, dahil paunti-unti nang nababawasan ang oras para sa post-production at promotions ng pelikula.
“Feeling prinsesa kasi alam malakas ang kapit niya. Parang kampante siya. Hindi siya worried, kasi alam niyang walang mangyayari sa kanya,” sabi ng isang production staff na ayaw magpakilala.
Ang mas nakakabahala pa, ayon sa mga insider, ay tila hindi nababahala si Ivana sa mga nangyayaring pagkaantala.
Ayon sa mga source mula sa production, ilang buwan na silang nagshu-shoot ngunit hindi pa rin natatapos ang pelikula. Umano’y madalas na nagkakaroon ng delay sa shooting, at madalas daw na ang dahilan ay si Ivana mismo mula sa late arrival sa set hanggang sa pagkansela ng shooting days.
Bagama’t walang opisyal na pahayag ang kampo ni Ivana, marami na ang nagtatanong kung kakayanin pa ng production na matapos ang pelikula bago ang MMFF screening sa Disyembre. Ang ilang netizens ay nagpahayag ng pagkadismaya, sinasabing hindi patas kung ang iba ay nagtratrabaho nang maayos, samantalang ang iba ay tila binibigyan ng espesyal na trato.
Ang isyung kinahaharap ni Ivana Alawi sa pelikulang Shake, Rattle & Roll ay paalala ng realidad sa industriya ng showbiz na sa likod ng glamour at kasikatan, may mga komplikasyong nangyayari sa production. Habang marami ang nababahala sa delay ng proyekto, malinaw na ang publiko ay naghahangad lamang ng professionalism at dedikasyon mula sa mga artistang kanilang sinusuportahan.
Walang komento:
Mag-post ng isang Komento