Isang magandang balita ang ibinahagi ng komedyanteng si Ate Gay sa kanyang mga tagasuporta sa pamamagitan ng kanyang pinakabagong Facebook post, kung saan sinabi niyang malaki ang ipinagbago ng kanyang kalagayan matapos lamang ang tatlong araw ng gamutan.
“Ambilis ng pagliit ng bukol in 3 days… 10cm naging 8.5,” masayang ibinahagi ni Ate Gay sa kanyang post.
“Maraming salamat po sa inyong lahat na nanalangin ng aking agarang paggaling.. Patuloy lang po,” dagdag pa niya.
Ayon kay Ate Gay, mula sa dating 10cm ang laki ng bukol, ito ay naging 8.5cm na lamang ngayon isang malaking pagbabago na nagbigay ng pag-asa hindi lamang sa kanya kundi maging sa lahat ng kanyang mga tagahanga at kaibigan.
Matatandaan na kamakailan lamang ay ibinahagi ni Ate Gay ang kanyang diagnosis na stage 4 cancer, bagay na nagdulot ng matinding pangamba sa kanyang mga tagahanga. Ngunit sa kabila ng mabigat na pagsubok, nanatiling positibo at matatag ang komedyante, na patuloy na humuhugot ng lakas sa pananampalataya at pagmamahal ng publiko.
Para sa marami, inspirasyon si Ate Gay dahil sa kanyang katatagan, kababaang-loob, at positibong pananaw sa buhay sa kabila ng kanyang karamdaman. Marami ring cancer warriors at survivors ang nagsabing nabibigyan sila ng pag-asa sa bawat kwento ng pag-unlad ni Ate Gay.
Ang bawat araw ng laban ni Ate Gay ay hindi lamang laban para sa kanyang kalusugan, kundi laban din para sa pag-asa ng libo-libong Pilipino na humaharap sa kani-kanilang mga pagsubok. Sa kabila ng bigat ng sakit, pinapatunayan niyang ang pananampalataya, positibong pananaw, at pagmamahal ng kapwa ay makapangyarihang gamot sa anumang karamdaman.
Walang komento:
Mag-post ng isang Komento