Senate Blue Ribbon Committee hearing ang mag-asawang Sarah at Pacifico “Curlee” Discaya III, kung saan patuloy silang iniimbestigahan dahil sa mga umano’y anomalya sa flood control projects na ipinagkakaloob ng Department of Public Works and Highways (DPWH).
Ngunit sa kabila ng bigat ng mga akusasyon, kapansin-pansin ang mas magaan na mood ni Sarah Discaya sa kanyang muling pagharap. Dalawang beses siyang nakitang nagbigay ng “finger heart” sign at nakangiti habang kumakain, bagay na umagaw ng atensyon ng publiko. May ilan pang nagbiro na lalo siyang kahawig ng komedyanteng si Michael V. sa kanyang mga kilos at ekspresyon.
"Kung makakatulong ang testimonya namin para ilabas ang katotohanan, handa kaming gawin iyon. Ang mahalaga, lumabas ang buong kuwento at managot ang dapat managot." -Sarah Discaya
Isa sa mga malaking katanungan ngayon: maaari kayang maging state witnesses ang Discaya couple? Matatandaang pinangalanan nila sa nakaraang pagdinig ang ilang kongresista at mga opisyal ng DPWH na umano’y kumukuha ng porsyento mula sa multi-bilyong flood control projects. Kung mapatutunayang mahalaga ang kanilang testimonya, posibleng magamit sila bilang whistleblowers laban sa mas malalaking personalidad na nasa likod ng korapsyon.
Ayon sa ilang senador, handa silang ikonsidera ang posibilidad basta’t may malinaw na ebidensya na maisusumite ang mag-asawa. Para sa mga nakasubaybay, ang pagbubukas ng bibig ng Discayas ay maaaring maging susi para tuluyang mabunyag ang malawakang sistema ng katiwalian sa proyekto ng DPWH.
Sa kabila ng matitinding alegasyon laban sa kanila, ipinapakita nina Sarah at Curlee Discaya ang kanilang kahandaan na tumulong sa paglabas ng katotohanan. Kung magiging state witnesses sila, posibleng mas mapabilis ang pagbunyag sa mas malalaking personalidad na nasa likod ng flood control anomalies.
Walang komento:
Mag-post ng isang Komento