Isang nakakagalit na insidente ang nag-viral sa social media matapos kumalat ang isang video kung saan makikitang pilit pinapainom ng alak ang isang aso habang nag-iinuman ang ilang kalalakihan.
Sa naturang video, makikita ang mga lalaking tila lasing na habang tinatangkang painumin ng alak ang aso. Kalaunan ay nainom ito ng alak at nagsuka, bagay na ikinabahala at ikinagalit ng maraming netizens.
“Humihingi po ako ng taos-pusong paumanhin sa lahat ng nasaktan at nagalit sa ginawa ko. Hindi ko na uulitin. Sana mapatawad ninyo ako.” -Khevin Pingot
Ang video ay in-upload ni Khevin Pingot, ngunit agad niya rin itong binura matapos ang matinding pambabatikos mula sa publiko. Gayunpaman, marami na ang naka-download at nakapanood ng video kaya’t patuloy ang pagkalat nito online.
Naglabas na ng public apology si Khevin Pingot at inaming mali ang kanyang ginawa, subalit hindi pa rin mapawi ang galit ng publiko. Maraming netizens ang nananawagan na sampahan siya ng kaso at kasuhan ng animal cruelty sa ilalim ng Animal Welfare Act ng Pilipinas.
Ayon sa mga animal welfare groups, isang malinaw na anyo ito ng animal abuse at hindi dapat tinatrato na katuwaan lamang ang mga hayop. Binigyang-diin nilang ang mga hayop, gaya ng aso, ay may limitadong resistensya at maaaring malason o mamatay sa pag-inom ng alak.
Ang insidenteng ito ay isang paalala na hindi laruan ang mga hayop — sila ay may damdamin at buhay na dapat iginagalang. Bagama’t humingi ng paumanhin si Khevin Pingot, hindi nito mabubura ang panganib na idinulot sa inosenteng aso.
Walang komento:
Mag-post ng isang Komento