Habang ang karamihan ng mga bata ay naglalaro matapos ang klase, ibang landas ang pinili ng isang batang lalaki na si Chadd, isang Grade 6 student. Sa murang edad, ipinakita niya ang sipag at determinasyong bihira na makita sa mga kasing-edad niya.
“Mas gusto ko pong tumulong at kumita kahit pagod, kaysa makita ko po na nahihirapan ang mga magulang ko. Para rin po may pangbaon ako sa eskwela bukas.” -Chadd
Sa halip na maglaro, si Chadd ay nagtitinda ng iba’t ibang paninda upang magkaroon ng pangbaon kinabukasan at makatulong na rin sa kanyang pamilya. Hindi alintana ang pagod at oras, madalas ay umaabot siya hanggang gabi sa pagtitinda—at minsan ay inaabutan pa ng puyat. May mga pagkakataon na nakukuhanan siya ng litrato na halos nakakatulog na dahil sa sobrang pagod, gaya ng isang kuha bandang 11:00 ng gabi habang nagtitinda pa rin.
Aminado si Chadd na mahirap ang kanyang ginagawa, ngunit mas pinipili niya ito kaysa makitang nahihirapan ang kanyang mga magulang. Para sa kanya, bawat produktong nabebenta ay dagdag suporta sa pamilya at dagdag lakas ng loob na tuparin ang kanyang mga pangarap.
Ang simpleng kasipagan ni Chadd ay nagsilbing inspirasyon sa marami. Pinapatunayan niyang hindi hadlang ang edad sa pagiging responsable at ang malasakit sa pamilya ay maipapakita sa iba’t ibang paraan.
Sa murang edad, ipinakita ni Chadd na ang tunay na tagumpay ay nagsisimula sa sipag, sakripisyo, at pagmamahal sa pamilya. Ang kanyang kwento ay paalala na kahit sa kabila ng murang edad at maliliit na hakbang, malaki ang nagiging epekto kapag puso at dedikasyon ang puhunan.
Walang komento:
Mag-post ng isang Komento