Umani ng matinding batikos si Atty. Jesus Falcis mula sa mga DDS o Die-Hard Duterte Supporters matapos ang kanyang kontrobersyal na post hinggil sa pag-alis ng larawan ni dating Pangulong Rodrigo Duterte.
Sa kanyang pahayag, iginiit ni Falcis na dapat alisin ang larawan ng “worse president”, at malinaw na tinukoy na ang tinutukoy niya ay si Rodrigo Duterte. Hindi nagtagal, tinanggal nga ang larawan at kasabay nito, sumabog ang galit ng mga tagasuporta ng dating pangulo.
Para sa mga DDS, hindi katanggap-tanggap ang pahayag ni Falcis. Giit nila, malayo raw sa pagiging “worst” si Duterte, at kung ikukumpara, mas maayos pa umano ang pamumuno niya kaysa sa kasalukuyang administrasyon ni Ferdinand Marcos Jr..
Ang naging sentro ng sigalot ay hindi lang ang larawan, kundi ang pagbangga ng pananaw. Para kay Falcis, may karapatan siyang magpahayag ng opinyon batay sa kanyang pagsusuri sa naging pamamalakad ni Duterte. Para naman sa DDS, binabastos umano ang alaala at mga nagawa ng dating pangulo.
Walang komento:
Mag-post ng isang Komento