Matapos utusan ang lahat ng miyembro ng kanyang Gabinete na magsumite ng courtesy resignation, iginiit ng Palasyo na hindi magpapaligoy-ligoy si Pangulong Ferdinand "Bongbong" Marcos Jr. sa paggawa ng desisyon kung sino ang mananatili o aalisin sa kanyang administrasyon.
"Hindi tayo pwedeng magpatuloy na parang wala lang. Ang serbisyo publiko ay para sa bayan, hindi para sa sarili. Kung hindi ka mabilis, kung hindi ka epektibo, at lalong kung may bahid ka ng katiwalian — wala kang puwang sa Gabinete ko. Dapat, serbisyo muna bago pulitika." - Pangulong Bongbong Marcos Jr.
Ayon sa Malacañang, ito ay bahagi ng masusing pagsusuri ng performance ng bawat opisyal, kasunod ng resulta ng 2025 midterm elections, na malinaw umanong nagpapakita ng pagkagustong ng taumbayan sa mabilis at tapat na serbisyo.
“Ayaw po ni Pangulo ng mabagal. Lalong ayaw niya ng corrupt,” diin ng tagapagsalita ng Palasyo.
Ang hakbang ay parte ng tinatawag na recalibration ng administrasyon, na layuning linisin at palakasin pa ang pamahalaan. Lahat ng Gabinete ay isasailalim sa masusing performance evaluation — mula sa implementasyon ng programa, serbisyo sa mamamayan, hanggang sa integridad ng kanilang panunungkulan.
Ayon sa Palasyo, ang mga mapatunayang may dedikasyon, galing, at walang bahid ng katiwalian ay mananatili, habang ang hindi makapapasa sa pamantayan ay papalitan ng mas karapat-dapat.
“This is not about politics. It’s about results,” dagdag ng opisyal.
Ang panawagan para sa courtesy resignations ay hindi raw senyales ng kaguluhan sa loob ng pamahalaan, kundi isang proactive na hakbang upang i-align muli ang direksyon ng bansa sa mga tunay na pangangailangan ng mga Pilipino.
Ang matapang na paninindigan ng administrasyong Marcos sa isyu ng courtesy resignations ng Gabinete ay isang malinaw na mensahe: sa ilalim ng kanyang pamumuno, walang lugar para sa mabagal, tiwaling, at walang silbing opisyal. Layunin nitong maglatag ng bagong yugto ng gobyerno na nakatuon sa resulta, serbisyo, at integridad.
Walang komento:
Mag-post ng isang Komento