Muling pinaalalahanan ni Rep. Toby Tiangco ang publiko na imposibleng magawa ng isang tao lamang ang umano’y pagnanakaw ng trilyong piso. Ayon sa kanya, kung iisa lang ang ituturo, mali ang direksyon ng imbestigasyon.
“Trilyon ang pinag-uusapan dito hindi barya. Akala ba nila one-man show ’yan? Kung walang approval sa itaas, walang gagalaw. Hanapin n’yo ang pumirma, hindi lang ang ipinangalan.” -Rep. Toby Tiangco
Hindi sikreto, ayon kay Tiangco, na Zaldy Co ang itinuturong pasimuno sa isyu. Ngunit mariin niyang iginiit na hindi ito mangyayari kung walang approval mula sa mas mataas na antas ng kapangyarihan sa Kamara.
Para kay Tiangco, malinaw na ang ganitong kalaking operasyon ay nangangailangan ng malawak na basbas, koordinasyon, at kapangyarihan hindi lang ng iisang pangalan.
Diretsahan ding binanggit ni Tiangco na hindi magagawa ang ganitong kalakihang transaksyon kung walang pahintulot ng dating liderato ng Kamara, partikular ni Martin Romualdez noong panahong iyon.
Ang paalala ni Rep. Toby Tiangco ay simple ngunit mabigat: ang trilyong pisong korapsyon ay hindi aksidente at hindi solo act. Kung seryoso ang gobyerno sa pananagutan, dapat lampasan ang mga pangalan sa ibaba at umabot sa mga pirma sa itaas.
Walang komento:
Mag-post ng isang Komento