Nagpaalala at sabay nagbanta si dating Congressman Mike Defensor sa mga politiko at grupong patuloy na bumabatikos kay Vice President Sara Duterte. Sa kanyang matapang na pahayag, sinabi niyang dapat nang kabahan ang mga kalaban ng Bise Presidente dahil kapag tumakbo at nanalo ito sa 2028 elections, tiyak umanong “alam niyo na kung anong mangyayari sa inyo.”
“Kung si VP Sara ang manalo sa 2028, magsitago na kayo. Alam niyo na kung anong mangyayari sa inyo. Huwag n’yo siyang maliitin, malakas ang suporta sa kanya, at hindi siya takot lumaban.” - Mike Defensor
Ayon kay Defensor, hindi raw dapat maliitin ang lakas ng suporta kay VP Sara. Sa kabila ng mga kontrobersiya at political attacks, nananatili raw itong isa sa may pinakamalakas na grassroots network sa bansa. Kaya para sa kanya, malinaw: kung patuloy siyang aatakihin, mas lalo lamang siya lalakas sa mata ng publiko.
Idinagdag pa ni Defensor na marami raw sa mga nagpapabagsak sa Bise Presidente ay takot sa magiging kapangyarihan nito sakaling maging Pangulo. Kung magpapatuloy umano ang political harassment, tiyak daw na hindi malilimutan ni Sara Duterte ang mga taong nasa likod ng demolition job laban sa kanya.
Ang babala ni Mike Defensor ay malinaw na patunay ng patuloy na tensyon at pag-aalab ng politika sa pagitan ng magkakatunggaling kampo. Habang papalapit ang 2028, mas lumalakas ang mga pahayag na nagpapakita ng matinding hidwaan sa loob ng pamahalaan at mga kaalyadong grupo.
Walang komento:
Mag-post ng isang Komento