Matapang na bumanat si Kabataan Partylist Representative Renee Co laban kay Vice President Sara Duterte matapos ang sunod-sunod na isyu na bumabalot sa pambansang politika. Sa kanyang pinakahuling talumpati, diretsong pinaalalahanan ni Co si VP Sara na huwag umanong magpakitang-malinis sa publiko.
“Huwag kang magmalinis. Nakikita ng publiko ang mga tanong na hindi mo sinasagot. Kung walang tinatago, dapat harapin, hindi iniiwasan. Dapat may pananagutan ang bawat lider sa taumbayan.” -Rep. Renee Co
Ayon kay Rep. Co, marami umanong kabataan at sektor ang nagagalit dahil sa paraan ng pakikitungo ng Bise Presidente sa mga kritisismo at isyu. Dagdag pa niya, hindi umano nakakabuti sa bansa ang pagbalewala o pag-iwas sa mga tanong na may kinalaman sa pamamahala at paggamit ng pondo.
Pinunto rin ni Co na kung seryoso si VP Sara sa transparency, accountability, at paglilingkod-bayan, dapat umano nitong harapin ang tanong ng publiko at maging bukas sa mga imbestigasyon lalo na kung ang pondo ng taumbayan ang pinag-uusapan.
Muli na namang naging sentro ng debate ang transparency at pananagutan sa gobyerno matapos ang matapang na pahayag ni Rep. Renee Co. Habang ipinagtatanggol ng ilan si VP Sara, marami rin ang naniniwala na tama ang panawagan ni Co na ang mga lider ay dapat laging bukas sa pagsusuri at tanong ng publiko.
Walang komento:
Mag-post ng isang Komento