Umalingawngaw ang matapang na pahayag ni Senator Imee Marcos matapos niyang tuligsain ang Department of Trade and Industry (DTI) kaugnay ng pahayag nitong P500 daw ay sapat na para sa noche buena ngayong Pasko.
Hindi nagustuhan ng senadora ang sinabi ng ahensya, na aniya’y malayo sa realidad ng karaniwang Pilipino, lalo na sa harap ng mataas na presyo ng bilihin.
“Hoy DTI, gumising kayo. Anong taon na? Walang noche buena na P500. Hindi ’yan totoo.” -Senator Imee Marcos
Ayon kay Marcos, hindi dapat minamaliit ng DTI ang bigat ng gastusin ng mga pamilya, lalo na ngayong Pasko kung saan inaasahan ng bawat tahanan ang simpleng pagsasama at handaan. Sa gitna ng patuloy na inflation at mataas na presyo ng mga pangunahing bilihin, aniya’y insulto para sa maraming Pilipino ang ideyang makabubuo ng kumpletong noche buena sa halagang P500.
Idinagdag pa niya na kung mismong ahensya na dapat nagbabalanse ng presyo at nagtatanggol sa konsyumer ay nagbibigay ng “hindi makatotohanang” pahayag, paano pa raw aasahan ng publiko na seryoso itong tugunan ang problema sa presyo ng pagkain?
Ang matapang na pahayag ni Sen. Imee Marcos ay salamin ng lumalaking frustration ng publiko sa tumataas na presyo ng bilihin. Sa kanyang pagkadismaya sa DTI, malinaw ang mensahe na hindi sapat ang mga pahayag na hindi nakaangkla sa tunay na kalagayan ng mamamayan.
Walang komento:
Mag-post ng isang Komento