Kinumpirma ni Senador Robin Padilla na hindi na siya muling tatakbo sa darating na 2028 elections. Sa isang diretsahang tugon sa social media post ng isang vlogger na sumusuporta sa Duterte camp, malinaw niyang sinabi na hindi na siya sasama sa anumang line-up o pambansang laban sa politika.
“Maraming salamat po, pero ‘wag niyo na po ako isama sa line-up. Hindi na po ako tatakbo sa 2028.” - Sen. Robin Padilla
Ayon kay Padilla, sapat na ang oras at lakas na ibinigay niya sa Senado. Sa kabila ng malaking suporta ng kanyang mga tagahanga at ilang sektor, tila malinaw sa aktor-turned-senator na hindi na niya nais ipagpatuloy ang buhay-pulitika. Hindi na rin umano siya interesado sa mga posisyong ipinupuwesto sa kanya ng ilang grupo o partido.
Bagama’t hindi niya binanggit ang eksaktong dahilan ng kanyang pag-atras, matagal nang lumalabas ang mga isyung napapagod na raw si Padilla sa toxic na pulitika, matinding intriga, at walang tigil na kritisismo. Marami ring nagsasabing tila hindi na niya gusto ang mga bangayan sa loob at labas ng Senado, lalo na sa mga isyung hindi tugma sa kanyang personal na prinsipyo.
Ang pag-atras ni Senador Robin Padilla sa 2028 elections ay nagpapakita ng bigat ng buhay-pulitika at ang personal na desisyong pumili ng katahimikan kaysa patuloy na pagharap sa intriga at responsibilidad.
Walang komento:
Mag-post ng isang Komento