Masayang ibinalita ni Palace Press Officer Atty. Claire Castro na ang halagang ₱103 milyon na nalikom mula sa pitong luxury cars ng mag-asawang Curlee at Sarah Discaya ay maibabalik sa kaban ng bayan.
Ayon kay Castro, ito ay malinaw na patunay ng tagumpay ng kampanya ng administrasyon ni Pangulong Ferdinand “Bongbong” Marcos Jr. laban sa korapsyon.
“Ito po ang resulta ng malinis na pamamahala ang mga ninakaw sa taumbayan, ibinabalik sa taumbayan. Wala pong bahid ng pagbulsa o katiwalian sa ilalim ng administrasyong ito.” - Atty. Claire Castro
Batay sa ulat, ang mga luxury vehicles kabilang ang Rolls-Royce, Ferrari, Lamborghini, Range Rover, Porsche, Mercedes-Benz, at Bentley ay nasamsam matapos mapatunayang bahagi ng illegally acquired assets ng mga Discaya na konektado sa flood control corruption case.
Ang nasabing halaga ay ilalagay sa special account ng pamahalaan para magamit sa mga proyekto ng Department of Social Welfare and Development (DSWD) at iba pang programa para sa mahirap na sektor.
Ayon kay Castro, ang pagkakabenta ng mga luxury cars ay hindi lamang simpleng pagbawi ng pondo, kundi simbolo ng repormang isinusulong ni Pangulong Marcos Jr. upang tapusin ang kultura ng katiwalian sa gobyerno.
Mariing binigyang-diin ni Castro na walang planong ibulsa ng administrasyon ang perang mula sa mga nasamsam na ari-arian. Dagdag pa niya, ang lahat ng transaksyon ay dumaan sa tamang proseso at sinubaybayan ng Commission on Audit (COA) upang matiyak ang transparency.
Ang pagbabalik ng ₱103 milyon mula sa mga luxury cars ng mag-asawang Discaya ay hindi lamang tagumpay ng gobyerno, kundi simbolo ng pananagutan at reporma.
Walang komento:
Mag-post ng isang Komento