Inihayag ni Vice President Sara Duterte ang kanyang paghahandang tumulong kay Senador Ronald “Bato” Dela Rosa, matapos kumalat ang balitang may inilabas na warrant of arrest laban sa senador mula sa International Criminal Court (ICC).
Ayon kay VP Sara, kinausap niya mismo si Dela Rosa nang marinig ang naturang balita, at inialok ang kanyang tulong sa pamamagitan ng pagrekomenda ng isang kilalang British lawyer na eksperto sa international law at ICC proceedings.
“Kung interesado si Senator Bato Dela Rosa ng abogado ay meron akong mare-recommend sa kanya na isang British counsel doon based sa England. International law expert,” - Vice President Sara Duterte
Ipinahayag ng Bise Presidente na hindi niya kayang manahimik sa gitna ng isyung kinakaharap ng matagal na niyang kaalyado sa politika. Ayon sa kanya, ang pagkakaibigan nila ni Dela Rosa ay higit pa sa pulitika, ito ay batay sa tiwala at respeto mula pa noong panahon ng Davao City government kung saan sila unang nagtrabaho nang magkasama.
Ayon kay Duterte, ang British lawyer na kanyang tinutukoy ay isang kilalang international legal counsel na may malawak na karanasan sa mga kaso ng human rights, government accountability, at ICC procedures. Bagama’t hindi pa niya binanggit ang pangalan ng abogado, sinabi ng Bise Presidente na handang makipag-ugnayan ang opisina niya kay Dela Rosa sakaling kailanganin ito ng senador.
Ang alok na tulong ni Vice President Sara Duterte kay Sen. Ronald “Bato” Dela Rosa ay nagpapakita ng malalim na ugnayan at pagkakaisa sa hanay ng mga dating opisyal ng administrasyong Duterte.
Walang komento:
Mag-post ng isang Komento