Tinawag ni Palace Press Officer Atty. Claire Castro na makasaysayan at produktibo ang pagbisita ni Pangulong Ferdinand “Bongbong” Marcos Jr. sa New York City bilang bahagi ng kanyang pagdalo sa United Nations (UN). Ayon kay Castro, hindi lamang ito simpleng pagdalo sa isang pandaigdigang pagpupulong kundi pagkakataon upang isulong ang interes ng Pilipinas.
Bukod sa kanyang talumpati sa UN, sinabi ni Castro na nakapag-uwi ang Pangulo ng mahigit dalawang libong job opportunities para sa mga Pilipino. Nagkaroon din aniya ng pakikipagpulong si Marcos sa mga negosyante upang palakasin ang ugnayang pang-ekonomiya ng bansa.
Binigyang-diin ni Castro na ang biyahe ng Pangulo ay hindi bakasyon kundi isang misyon para sa kapakanan ng mamamayan. “Trabaho, aksyon, hindi bakasyon. Para sa mga Pilipino at para sa bagong Pilipinas,” ani Castro, bilang paglalarawan sa layunin ng pagbisita.
Walang komento:
Mag-post ng isang Komento