Naghain ng panukala si ACT Teachers Party-list Rep. Antonio Tinio na bawasan nang malaki ang budget ng Office of the Vice President (OVP) para sa taong 2026 mula ₱902 milyon pababa sa ₱198 milyon matapos muling mabigong dumalo si Vice President Sara Duterte o kahit sinong kinatawan nito sa pagdinig ng House of Representatives.
Ayon kay Tinio, malinaw umano ang kawalan ng pagpapahalaga ng OVP sa proseso ng Kongreso sa paulit-ulit na hindi pagdalo ni Duterte sa mga pagdinig na tumatalakay sa paggamit ng pondo ng kanyang opisina.
Hindi ito ang unang pagkakataon na hindi dumalo si VP Sara o sinuman mula sa kanyang tanggapan sa deliberasyon ng panukalang budget. Para kay Tinio, ito ay isang malinaw na kawalan ng respeto sa oversight function ng Kongreso at sa mga Pilipinong nagbabayad ng buwis.
“Kung patuloy silang hindi sisipot sa mga pagdinig kung saan dapat nilang ipaliwanag kung saan napupunta ang pera ng taumbayan, bakit pa natin sila bibigyan ng halos isang bilyong pisong budget?” ani Tinio.
Dagdag pa niya, kung hindi maipapaliwanag ng OVP kung paano ginagamit ang pondong ito, dapat lamang na ito ay tapyasan o bawasan upang hindi masayang ang pera ng mamamayan.
Ayon sa panukala ni Tinio, ang pagputol sa budget ng OVP mula ₱902 milyon patungong ₱198 milyon ay isang konkretong hakbang para ipakita na may pananagutan ang mga opisyal sa paggamit ng pera ng bayan.
Para kay Tinio, ang pagiging Vice President ay hindi lamang pribilehiyo kundi isang pananagutan sa taumbayan. Kaya’t nararapat lamang aniya na magpakita si Duterte sa mga pagdinig upang ipaliwanag ang bawat sentimong ginagastos ng kanyang opisina.
Ang panawagan ni Rep. Antonio Tinio ay naglalayong panagutin ang mga opisyal sa wastong paggamit ng pera ng taumbayan. Sa paulit-ulit na hindi pagdalo ng OVP sa mga pagdinig ng Kamara, ipinapakita umano nito ang kakulangan sa transparency at accountability.
Walang komento:
Mag-post ng isang Komento