Isang transgender woman na si Ayumi Nicole ang naging laman ng usapan online matapos niyang ibahagi ang hindi malilimutang karanasan ng diskriminasyon sa isang shopping mall sa Iloilo City. Noong Agosto 19, hinarang umano siya ng isang janitress at pinigilang gumamit ng pambabaeng restroom.
“As a member of the LGBTQ community, I felt singled out, disrespected, and discriminated against in a place where I should have felt safe and welcome.” -Ayumi
Ayon kay Ayumi, hindi lamang siya pinagbawalan, kundi tinawag pa ng janitress ang isang security guard na lalo pang nagdulot ng kahihiyan. Sa video na kumalat sa social media, maririnig siyang nagsasalita:
“Diin mo ko gusto mag (CR). Girl ko yah gani. LGBT ko yah miss. Trans ko yah miss.”
Matapos ang insidente, gumawa si Ayumi ng isang open letter na ipinost niya online bilang pormal na reklamo laban sa mall. Aniya:
“I am writing to strongly raise a serious complaint about an incident of discrimination I experienced, which left me deeply traumatized and humiliated. To my shock, [the janitress] even called a security guard, escalating the situation unnecessarily and subjecting me to public shame and humiliation.”
Dagdag niya, bilang miyembro ng LGBTQ+ community, naramdaman niyang siya ay sinadyang i-single out, bastusin, at i-discriminate sa lugar na inaakala niyang ligtas at welcoming. Binanggit niya ang Iloilo City Anti-Discrimination Ordinance (No. 2018-090) na nagbabawal ng diskriminasyon batay sa sexual orientation at gender identity.
Hindi rin nagpaligoy-ligoy ang LGBTQ+ Affairs – Iloilo City office sa kanilang reaksyon. Sa kanilang pahayag:
“This kind of treatment is unacceptable. Iloilo City has long prided itself on being a safe and inclusive space for people of diverse SOGIESC. Discrimination has no place in Iloilo City.”
Dagdag pa ng grupo, handa silang maglunsad ng legal na hakbang upang masiguro ang hustisya at pananagutan sa nangyaring insidente.
Ang karanasan ni Ayumi Nicole ay hindi lamang personal na laban kundi isang paalala sa lipunan na hindi pa tapos ang laban para sa pagkakapantay-pantay at respeto. Sa kabila ng pagkakaroon ng mga batas laban sa diskriminasyon, malinaw na kailangan pa itong ipatupad at isabuhay ng lahat—mula sa mga ordinaryong manggagawa hanggang sa mga institusyon. Ang kanyang kwento ay nagbibigay boses sa marami pang miyembro ng LGBTQ+ na patuloy na nakararanas ng diskriminasyon sa araw-araw.
Walang komento:
Mag-post ng isang Komento