Mainit na usapin ngayon sa Kamara ang nakatakdang joint investigation ng tatlong komite kaugnay sa mga umano’y maanomalyang flood-control projects. Bagama’t aprubado na ang plano, umalma si ML Party-list Representative Leila de Lima at nagbigay ng matibay na dahilan kung bakit hindi siya sang-ayon dito.
“Kung ang mismong mga mambabatas na posibleng sangkot ang siyang iimbestiga, tiyak na magkakaroon ng conflict of interest. Ang kailangan natin ay isang tunay na independent probe na magbibigay ng hustisya at katiyakan sa taumbayan.” -Ayon kay De Lima
Ayon kay De Lima, posibleng magkaroon ng conflict of interest kung itutuloy ang imbestigasyon, lalo na kung ang ilang mambabatas mismo ang mapangalanan o madadawit sa isyu. Giit niya, hindi magiging patas ang resulta kung ang parehong institusyon na maaaring sangkot ay siya ring magsasagawa ng imbestigasyon.
“Kung mismong mga kasamahan natin dito sa Kamara ang mapangalanan, paano natin masisiguro ang transparency at fairness sa imbestigasyon?” tanong ni De Lima.
Sa kabila ng pagtutol ni De Lima, tuloy ang plano ng Kamara na maglunsad ng malawakang imbestigasyon. Layunin ng tatlong komite na magsiyasat kung paano nagkaroon ng mga iregularidad sa pagpapatupad ng flood control projects na umaabot sa bilyon-bilyong pondo.
Ngunit ayon sa ilang kritiko, tila nagiging sensitibo ang usapin dahil sa posibilidad na madawit ang ilang opisyal at mambabatas na may kinalaman sa mga kontrata at proyekto.
Para kay De Lima, mas mainam na independent body o mas mataas na institusyon ang magsagawa ng pagsisiyasat upang masiguro na walang kinikilingan. Kung hindi, baka mas lalo lamang mabahiran ng pagdududa ang Kamara at ang integridad nito sa mata ng taumbayan.
Sa usaping ito, malinaw ang punto ni Rep. Leila de Lima hindi sapat ang imbestigasyong gagawin ng Kamara kung may posibilidad na madawit ang ilan sa mga miyembro nito. Kung ang layunin ay tunay na transparency at pananagutan, dapat isaalang-alang ang mas independiyenteng paraan ng pagsisiyasat. Sa huli, nananatiling hamon kung paano masisiguro na ang imbestigasyon ay magsisilbi para sa bayan at hindi para sa mga interes ng iilan.
Walang komento:
Mag-post ng isang Komento