Muling naglabas ng pahayag ang beteranong broadcast journalist na si Julius Babao upang linawin ang isyu na ikinakabit sa kanya kaugnay ng umano’y “₱10 milyon bayad” para sa panayam sa ilang personalidad. Ayon kay Babao, walang katotohanan ang naturang paratang at mariin niya itong tinawag na “Super Fake News.”
“Hindi ko kailanman binaboy ang propesyon ko. The ₱10M accusation is Super Fake News! Mas mahalaga sa akin ang tiwala at respeto ng tao kaysa sa anumang halaga ng pera.” -Julius Babao
Sa kanyang social media post, diretsahang sinabi ni Julius na hindi kailanman naging bahagi ng kanyang karera ang pagtanggap ng suhol o bayad kapalit ng panayam. Aniya:
“The ₱10 Million accusation is Super Fake News! People in the Media industry know me as one who can never be bribed by anyone in exchange for favors or for a story.”
Ipinaliwanag pa niya na matagal na itong natanong sa kanya, partikular sa isang panayam kina Janno Gibbs at Stanley Chi sampung buwan na ang nakararaan, kung saan malinaw niyang sinabi na hindi siya tumatanggap ng suhol at wala siyang tinanggap kailanman sa buong buhay niya bilang mamamahayag.
Kumalat kamakailan ang alegasyon matapos lumabas ang pangalan niya sa diskusyon tungkol sa mga panayam sa ilang negosyante at contractors na ngayo’y iniimbestigahan. Dahil dito, ilang netizens ang nagdududa sa kredibilidad ng nasabing interviews. Ngunit giit ni Julius, hindi niya kailanman ibinenta ang kanyang integridad kapalit ng pera.
Sa gitna ng mga kontrobersiya, pinaninindigan ni Julius Babao ang kanyang kredibilidad at integridad bilang isang mamamahayag. Para sa kanya, masakit man ang paratang, mananatili siyang tapat sa kanyang prinsipyo: na hindi kailanman mababayaran ang kanyang propesyonalismo at pangalan.
Walang komento:
Mag-post ng isang Komento