Nag-viral kamakailan ang balitang diumano’y na-reject si Harmond Louie Hui, mas kilala bilang Mr. Long Bomb, sa PBA Rookie Draft. Pero agad itong pinabulaanan ng basketball vlogger at shooter, at nilinaw mismo na hindi siya kailanman nag-apply sa PBA Draft.
“Never ako nag-apply sa PBA Draft. Tigilan na ang paggawa ng kwento para lang mapansin. Hindi ako galit, pero malinaw na fake news ‘yan. Sa NBL ako lalaro, at doon ko ipapakita ang tunay kong laro.” -Mr. Long Bomb
Lumaganap online ang mga post na nagsasabing tinanggihan ng Philippine Basketball Association (PBA) ang draft application ni Hui. Agad itong ikinagulat ng kanyang fans dahil marami ang umaasang makikita siya sa professional league.
Ngunit sa kanyang pahayag, sinabi mismo ni Hui na walang katotohanan ang mga ulat na ito.
Sa kanyang social media post, mariing itinanggi ni Hui ang balita:
“Sa mga nagpopost ng fake news about PBA application Jan, utang na loob, tigilan niyo gumawa ng content para mapansin. Never ako nag-apply sa PBA Draft. Kakasabi ko lang sa interview ko sa Abante. Sa mga haters ko Jan, God bless sainyo. Sa NBL ako lalaro,” giit ni Mr. Long Bomb.
Sa kabila ng mga kumalat na maling balita, pinatunayan ni Harmond Louie Hui na hindi siya basta-basta papaapekto sa intriga. Ang kanyang pag-amin ay malinaw na pahayag laban sa fake news culture at isang paalala sa lahat na maging maingat sa pagbabahagi ng impormasyon online.
Walang komento:
Mag-post ng isang Komento