Muling nabuhay ang debate tungkol sa Pantawid Pamilyang Pilipino Program (4Ps) matapos magpahayag si Senador Erwin Tulfo ng mungkahing palitan na ito ng pangkabuhayang tulong imbes na buwanang ayuda. Ayon kay Tulfo, mas makakatulong sa mga benepisyaryo kung bibigyan sila ng puhunan para makapagsimula ng maliit na negosyo, sa halip na umaasa sa buwanang ayuda.
Ngunit hindi lahat ay sang-ayon. Si Rep. Leila De Lima ay mariing ipinagtanggol ang programa, binigyang-diin na ito ay hindi "limos" kundi isang shared responsibility ng gobyerno at ng mga benepisyaryo para makaahon sa kahirapan.
🗣 Sen. Erwin Tulfo:
"Masakit daw sa kanila na matawag na pabigat sa lipunan. Kung bibigyan natin sila ng puhunan, makakalikha sila ng sariling kabuhayan. Hindi lang sila aasa sa gobyerno, kundi magiging parte ng pag-unlad ng ekonomiya."
🗣 Rep. Leila De Lima:
"Hindi palamunin ang mga benepisyaryo ng 4Ps. Ito ay programang may prinsipyo ng shared responsibility — pagtutulungan ng gobyerno at ng bawat Pilipino para makaahon sa hirap."
Marami na rin sa mga benepisyaryo ng 4Ps ang nakapagtapos ng kolehiyo, at ngayon ay may mas magandang trabaho. Isa itong patunay na hindi lang basta ayuda ang dulot ng programa, kundi pagbabago sa buhay kapag ginamit sa tama.
Ang usapin ukol sa kapalaran ng 4Ps ay hindi lang black and white. Ang mungkahi ni Senador Tulfo ay naglalayong bigyan ng mas long-term na solusyon sa kahirapan, habang ang paninindigan ni Rep. De Lima ay nagsusulong ng pangmatagalang suporta sa mga pamilyang nangangailangan. Sa huli, ang pinakamahalaga ay hindi lang basta tumulong, kundi tulungang makatayo sa sariling paa ang bawat Pilipinong nangangarap makaahon sa buhay.
Walang komento:
Mag-post ng isang Komento