Hindi pa man natatapos ang isyu tungkol kay Awra Briguela, panibagong kontrobersya na naman ang kinasangkutan ng content creator na si Sir Jack Argota matapos niyang mag-post ng video kung saan nabanggit niya ang linyang:
“Bading? Gooding!”
Sa unang tingin, tila biro lamang ito para sa ilang followers niya. Ngunit para sa maraming miyembro ng LGBT community, nakasakit umano ito dahil sa tila panunuya sa salitang “bading,” na ginagamit bilang gender identity ng marami.
“Wala po akong intensyong mang-insulto. Kung may nasaktan po sa sinabi ko, humihingi po ako ng paumanhin. Nais ko pong ipaliwanag na ang content ko ay para lang magpatawa, hindi para makapanakit ng kahit sino. Respeto pa rin po sa bawat isa ang mahalaga.” -Sir Jack
Maraming miyembro ng LGBT community ang nag-post ng kanilang saloobin sa social media:
“Hindi biro ang pagiging bading. Hindi ito salita lang na puwedeng gawing katatawanan.”
“Ginagamit niya na naman ang identity naming para lang sa views.”
“Kapag straight ang nagsasalita ng ganyan, parang insulto. Sana maging aware siya.”
Nag-trending pa ang hashtag #StopMockingLGBT sa X (dating Twitter), kasama ang panawagang itigil ang pag-gamit ng salitang “bading” bilang biro.
May iba rin namang nagsabing hindi naman dapat palakihin ang isyu, dahil kilala raw si Sir Jack na mapagbiro talaga sa content niya. Pero mas nangingibabaw ang panawagan ng respeto at sensitivity lalo na sa LGBTQIA+ community.
Ang isyung ito ay paalala na ang salita ay may bigat at epekto sa ibang tao, lalo na kung may kinalaman sa kanilang pagkatao o gender identity.
Sa panahon ngayon, kung saan mas bukas at tanggap na ang iba’t ibang uri ng pagkatao, mas mainam na maging maingat sa pagbibitaw ng biro o komento lalo na sa social media kung saan mabilis kumalat ang maling mensahe.
Walang komento:
Mag-post ng isang Komento