Nanindigan ang Malacañang sa pahayag ng Department of Trade and Industry (DTI) na ₱500 ay sapat para makapaghanda ng Noche Buena, isang pahayag na agad umani ng batikos mula sa mga manggagawa at pamilyang hirap sa taas-presyo.
Ayon sa Palasyo, ang naturang halaga ay base umano sa “budget-friendly options” at alternatibong produkto na mas mura sa mga kilalang branded items. Gayunpaman, hindi ito nagustuhan ng publiko na nagsabing hindi na realistiko ang halaga sa harap ng mataas na presyo ng pagkain.
“Hindi natin sinasabing bonggang handaan ito. Pero kung marunong mag-budget at pipili ng alternatibo, may Noche Buena kang maihahain kahit limitado ang pera.” -Malacañang
Ayon sa Malacañang spokesperson, hindi raw dapat gawing isyu ang ₱500 budget dahil may mga murang brand, discount bundles, at community products na puwedeng makabuo ng simpleng handa.
Ang pagtindig ng Malacañang sa ₱500 Noche Buena budget ay nagbukas ng malalim na talakayan tungkol sa tunay na kondisyon ng mga manggagawa at presyo ng bilihin sa bansa. Habang naniniwala ang Palasyo na posibleng makapaghanda sa maliit na budget, marami naman ang nagsasabing hindi ito tugma sa tunay na karanasan ng mga pamilyang Pilipino.
Walang komento:
Mag-post ng isang Komento