Nagkaroon ng tensyon sa ginanap na Sashing Ceremony ng 74th Miss Universe 2025 sa Thailand matapos mag-walkout ang Miss Universe Mexico 2025 dahil umano sa hindi maganda at bastos na komento mula sa Executive Director ng Miss Universe Organization, na si Nawat Itsaragrisil.
Ayon sa mga nakasaksi, naging emosyonal ang Mexican beauty queen nang tawagin siyang “boba” (dumb) ni Nawat sa gitna ng isyu sa pagitan nito at ng ilang miyembro ng organisasyon. Agad nag-viral ang pangyayari matapos kumalat ang video kung saan makikitang umalis si Miss Mexico sa entablado, habang pinipigilan ng iba pang kandidata.
Sa isang emosyonal na pahayag, ipinaliwanag ng pambato ng Mexico na hindi siya umalis dahil sa kahinaan, kundi bilang pagtindig sa dignidad at respeto ng kababaihan.
“I truly love Thailand. I have so much respect for all of you, and I believe you are amazing people. But what your director, Nawat, just did was not respectful. He called me ‘dumb’ because of his issue with the organization, and I think that’s unfair,” ani Miss Universe Mexico 2025.
Dagdag pa niya, hindi siya naniniwala na dapat manahimik ang kababaihan sa harap ng pambabastos o kawalang-galang.
“We are all empowered women. This platform is meant for our voices and no one has the right to silence us,” dagdag niya.
Maraming netizens mula sa iba’t ibang bansa ang nagpahayag ng suporta kay Miss Universe Mexico, tinawag pa siyang “brave queen” at “voice of empowerment.” Sa kabila ng isyu, pinuri siya ng publiko sa pagiging matatag at prinsipalyado sa kabila ng presyur ng internasyonal na kompetisyon.
Ang kontrobersyal na pag-walkout ni Miss Universe Mexico 2025 ay nagsilbing makapangyarihang mensahe sa buong mundo na higit sa karangalan at korona, ang dignidad at respeto ng isang tao ang tunay na mahalaga. Sa kanyang matapang na hakbang, ipinakita niya na ang mga babae ngayon ay hindi na mananahimik sa harap ng pang-aapi o pagmamaliit.
Walang komento:
Mag-post ng isang Komento