Inihayag ni Vice President Sara Duterte na ipapakilala at ililinaw kung sino talaga si “Mary Grace Piattos” sa oras na talakayin ang isyu sa impeachment proceedings. Ayon sa Bise Presidente, nakahanda ang kanyang defense team upang sagutin ang lahat ng katanungan na may kaugnayan sa pangalan na ito.
Sa gitna ng mga alegasyon at diskusyon, iginiit ni VP Sara na hindi siya iiwas sa anumang isyu at haharapin niya ito sa tamang proseso. Para sa kanya, mahalagang maibigay ang wastong paliwanag sa loob ng opisyal na pagdinig at hindi sa pamamagitan ng haka-haka lamang.
Binigyang-diin ng kampo ng Bise Presidente na ang impeachment proceedings ang tamang lugar upang talakayin ang mga kontrobersiya. Aniya, naroon ang mekanismo upang maipresenta ang ebidensya at maipaliwanag ang panig ng bawat kampo.
Walang komento:
Mag-post ng isang Komento