Sa gitna ng trahedya at pagbuhos ng ulan sa Albay matapos manalasa ang Bagyong Uwan, isang larawan ang nagpaiyak sa maraming netizens, si Nanay Ruping, matandang babae na bitbit ang kanyang anak at alagang aso na si Botchok habang tumatakas mula sa rumaragasang baha.
Ang eksenang ito ay kumalat sa social media at nagbigay-inspirasyon sa marami dahil sa ipinakitang walang kapalit na pagmamahal at malasakit ni Nanay Ruping sa kanyang alaga, sa kabila ng panganib at hirap ng sitwasyon.
Ayon sa mga nakasaksi, si Nanay Ruping ay isa sa mga residenteng napilitang lumikas nang tumaas ang tubig sa kanilang lugar. Bitbit niya ang ilang mahahalagang gamit, kasama ang anak, ngunit tumangging iwan si Botchok, ang kanyang aso na matagal nang kasama sa buhay.
“Hindi ko kayang iwan si Botchok, parte siya ng pamilya namin. Kahit mahirap, basta magkasama kami, ligtas kami” -Nanay Ruping
Makikita sa video na kahit halos abot-dibdib na ang tubig, maingat pa rin niyang karga ang aso upang hindi ito malunod. Maraming netizens ang napahanga sa tapang at malasakit ni Nanay Ruping, na para sa kanila ay simbolo ng tunay na pagmamahal sa hayop.
Marami ang nagsabing kung lahat ng tao ay may puso tulad ni Nanay Ruping, mas magiging mahabagin at makatao ang mundo. May mga grupo ng animal welfare organizations na nagpaabot ng tulong kay Nanay Ruping at sa kanyang pamilya, kabilang na ang pagkain, gamot, at tulong pinansyal.
Ang kwento ni Nanay Ruping at Botchok ay hindi lang simpleng viral story, ito ay patunay ng walang kapalit na pagmamahal at malasakit na kayang ibigay ng isang tao, kahit sa oras ng panganib.
Walang komento:
Mag-post ng isang Komento