Muling binatikos ni Dr. Lorraine Badoy si Senator Panfilo “Ping” Lacson, matapos umano nitong ipagtanggol si Pangulong Ferdinand “Bongbong” Marcos Jr. sa gitna ng mga kontrobersiyang kinahaharap ng administrasyon.
Sa isang matapang na pahayag, sinabi ni Badoy na malaki ang ipinagbago ni Lacson, at tila nakalimutan nito ang tungkulin bilang isang independiyenteng senador.
“Hindi naman siya ganito dati. Look how stupid he is now for protecting the president,” ani Badoy.
Ayon kay Badoy, dati raw ay hinahangaan niya si Lacson sa pagiging prangka at matapang laban sa katiwalian, ngunit ngayo’y tila naging tagapagtanggol na ito ng kapangyarihan imbes na ng taumbayan.
Idinagdag pa ni Dr. Badoy na kung gusto raw ni Lacson ipagtanggol si Pangulong Marcos, mas mabuting mag-abogado na lang siya nito, imbes na manatiling senador na ang mandato ay magbantay sa integridad ng pamahalaan.
Giit ni Badoy, maraming mamamayan na rin umano ang nagdududa sa integridad at paninindigan ni Lacson. Aniya, hindi sapat ang pagiging beterano sa politika kung wala naman itong ipinapakitang tapang sa panahon ng katiwalian.
Ang panibagong patutsada ni Dr. Lorraine Badoy kay Senator Ping Lacson ay muling nagpaigting sa isyu ng katapatan at paninindigan ng mga mambabatas sa panahon ng kontrobersiya. Habang patuloy na ipinagtatanggol ni Lacson ang Pangulo, nananatiling tanong sa publiko kung ang kanyang mga pahayag ay bunga ng prinsipyo o politika.
Walang komento:
Mag-post ng isang Komento