Matapos maharap sa mabibigat na alegasyon ng katiwalian kaugnay ng flood control projects, nanindigan si dating House Speaker Ferdinand Martin Romualdez na malinis ang kanyang konsensya at wala siyang ginawang labag sa batas. Ayon sa kanya, alam umano ni Pangulong Ferdinand “Bongbong” Marcos Jr. ang kanyang integridad at katapatan sa serbisyo publiko.
“Hindi ko kailangang magtago o magtago sa likod ng pangalan ng Pangulo. Alam niya kung gaano ako ka-dedikado sa trabaho at kung gaano ako katapat sa bayan. Alam ni PBBM na malinis ang konsensya ko.” - Martin Romualdez
Ipinahayag din ni Romualdez ang kanyang buong tiwala sa Pangulo, at naniniwala siyang hindi siya pababayaan nito sa gitna ng imbestigasyon. Bagama’t nagbigay ng direktiba si Marcos sa Office of the Ombudsman upang ipagpatuloy ang pagsusuri ng kaso, naniniwala si Romualdez na makikita rin ng Pangulo ang katotohanan.
Sa kabila ng kontrobersiya, hindi nawawala ang pag-asa ni Romualdez na makababalik siya bilang House Speaker sakaling mapatunayang wala siyang sala. Aniya, ang paglilingkod sa mamamayan ay hindi matatapos dahil lang sa maling paratang.
Nanindigan si Romualdez na handa siyang humarap sa Ombudsman at anumang korte, upang patunayan ang kanyang inosensiya. Sa gitna ng mga akusasyon, mananatiling matatag si Martin Romualdez sa paniniwala na ang katotohanan ay lilitaw sa tamang oras.
Walang komento:
Mag-post ng isang Komento