Sa gitna ng mga reklamo tungkol sa relief distribution ng Department of Social Welfare and Development (DSWD) para sa mga nasalanta ng bagyong Tino, binatikos ni dating Comelec Commissioner Atty. Rowena Guanzon ang pamahalaan dahil sa umano’y hindi patas at hindi makatarungang pamamahagi ng ayuda.
Sa isang matapang na pahayag sa social media, ibinahagi ni Guanzon ang kanyang pagkadismaya matapos makarinig ng ulat na ang mga biktima ng kalamidad na nawalan ng bahay at kabuhayan ay tumanggap lamang ng P5,000 hanggang P10,000, samantalang isang babae na lumabas sa imburnal ay binigyan ng DSWD ng P80,000.
“Mga nasiraan ng bahay at kabuhayan dahil sa bagyo bibigyan ng DSWD ng P5,000 to P10,000. Babaeng lumabas lang sa imburnal, binigyan ng P80,000 ng DSWD. Pambihirang gobyernong ito.” - Atty. Rowena Guanzon
Ayon kay Guanzon, nakakainsulto sa mga totoong biktima ang ganitong sistema ng tulong. Marami aniya sa mga nasalanta ang walang makain, walang matirhan, at walang hanapbuhay, ngunit tila kulang ang malasakit ng mga ahensya ng gobyerno sa kanila.
Binanggit pa ng abogada na kung seryoso ang pamahalaan sa pagtulong, dapat masusing sinusuri kung saan napupunta ang pondo ng bayan at kung sino talaga ang mga nangangailangan.
“Hindi ko sinasabing hindi dapat tulungan ang sinumang may pangangailangan, pero sana naman ay may hustisya at tamang prioridad. ’Yung mga biktima ng baha at bagyo ang dapat inuuna, hindi kung sino lang ang trending.”- Atty. Rowena Guanzon
May mga sumang-ayon at sinabing “tama lang ang sinabi ni Guanzon”, habang ang ilan naman ay nagtanggol sa DSWD, anila, baka may ibang programa na pinanggalingan ng mas malaking halaga ng tulong.
Ngunit para sa karamihan, ito ay malinaw na indikasyon ng kakulangan sa transparency sa pamamahagi ng tulong. Marami ang nananawagan na dapat imbestigahan ang proseso ng DSWD upang matiyak na ang pondo ay hindi napupunta sa maling kamay.
Ang pahayag ni Atty. Rowena Guanzon ay naging boses ng marami sa mga Pilipinong pagod na sa paulit-ulit na kapabayaan at hindi patas na tulong mula sa pamahalaan.
Walang komento:
Mag-post ng isang Komento