Sa gitna ng paglabas ng arrest warrant mula sa International Criminal Court (ICC) laban kay Senador Ronald “Bato” Dela Rosa, nagbigay ito ng makahulugang pahayag na ipinagpapasa-Diyos na lamang niya ang kanyang kapalaran.
Ang dating hepe ng PNP at isa sa mga pangunahing tagasuporta ni dating Pangulong Rodrigo Duterte ay kasalukuyang hinaharap ang posibilidad ng pagkakaaresto kaugnay sa “war on drugs” na isinagawa sa ilalim ng administrasyon ng dating pangulo.
Sa isang panayam, makikita sa senador ang halo ng takot at pagtanggap sa sitwasyon.
“I leave my fate to God. Kung anuman ang plano Niya para sa akin, tatanggapin ko. Ginawa ko lang ang tungkulin ko para sa bayan,” - Senador Ronald “Bato” Dela Rosa.
Bagama’t nagpapanatili ng matatag na paninindigan, hindi maitago ng senador ang pangamba na anumang oras ay maaaring siya nang damputin ng mga awtoridad—katulad ng pangamba na naramdaman nang mahuli si dating Pangulong Duterte sa hiwalay na operasyon.
Ayon kay Dela Rosa, hindi siya tatakbo o magtatago, at handa siyang harapin ang anumang mangyari, ngunit naninindigan siyang ang Pilipinas lamang ang may karapatan na litisin ang sarili nitong mamamayan.
“Kung may kasalanan man ako, dito sa Pilipinas ako haharap sa batas, hindi sa banyagang korte. May hustisya tayo rito, at dapat ito ang pairalin,” - Senador Ronald “Bato” Dela Rosa.
Paglabas pa lamang ng balita, bumuhos agad ang mga reaksyon online.
Marami ang nagpakita ng suporta sa senador, sinasabing hindi dapat sa ICC siya litisin dahil ito ay isang pambansang isyu at hindi saklaw ng dayuhang hukuman. Gayunpaman, hindi rin maikakaila na marami rin ang nananawagan ng hustisya, sinasabing panahon na para managot siya sa mga paglabag sa karapatang pantao sa ilalim ng drug war.
Ang mga tagasuporta ni Dela Rosa ay naniniwala na “ginawa lamang niya ang kanyang tungkulin”, habang ang mga kritiko naman ay naniniwalang ang pagiging tapat sa tungkulin ay hindi dahilan upang malabag ang batas ng tao at ng Diyos.
Ang pahayag ni Senador Ronald “Bato” Dela Rosa ay sumasalamin sa isang taong nakahanda ngunit takot sa di maiiwasang hinaharap.
Walang komento:
Mag-post ng isang Komento