Matapang na sinagot ni Vice President Sara Duterte ang mga panawagang magbitiw sa puwesto si Pangulong Ferdinand “Bongbong” Marcos Jr., sa gitna ng mga kontrobersiyang kinakaharap ng administrasyon tungkol sa isyu ng korapsyon at kapabayaan sa pamahalaan.
Ayon sa Bise Presidente, walang saysay umano ang paulit-ulit na panawagan ng ilang grupo para sa pagbibitiw ni Marcos Jr. dahil aniya, hindi ito kailanman magre-resign.
“Never ask him to resign. That is a pointless call. Hindi magre-resign yan,” ani VP Sara.
“Nakita niyo ba ‘yung tatay, ilang taon ‘yun? 20 years? Tignan niyo ‘yung DNA nyan, ayaw yan umalis ng puwesto.”
Ang pahayag ni VP Sara ay itinuturing ng ilan na isang tahasang depensa sa Pangulo, habang ang iba naman ay nakakita ng banayad na pasaring sa istilo ng pamumuno ng pamilyang Marcos.
Ngunit para kay VP Sara, mas mainam na ituon na lamang ng mga Pilipino ang pansin sa mga konkretong solusyon sa problema ng bansa, kaysa sa mga panawagang hindi naman aniya magbubunga ng pagbabago.
Sa kabila ng mga batikos, nananatiling malinaw ang posisyon ni VP Sara: ang problema ng bansa ay mas malalim kaysa sa sinumang lider, at dapat itong tugunan sa pamamagitan ng kolektibong pagkilos, hindi sa paulit-ulit na sigawan ng “resign.”
Walang komento:
Mag-post ng isang Komento