Hindi napigilan ni Rosmar Tan, kilalang negosyante at social-media personality, ang pagkawala ng emosyon matapos niyang matuklasang higit ₱1 milyon ang nawala sa kanyang negosyo at ang mas masakit, sariling staff pa raw niya ang may gawa.
Sa kanyang post, ibinahagi ni Rosmar na ₱1.4 milyon ang nakita sa GCash transaction history ng naturang empleyado, bukod pa sa mga cash payments na hindi na naibalik sa kompanya. Ayon kay Rosmar, puro “casino” umano ang pinuntahan ng perang pinaghirapan niya.
“Sobrang hilo ako kagabi… ang hirap tanggapin na 1.4 M ang pumasok sa GCash sa transaction history nya bukod pa ’yung cash payments. Tapos puro casino,” ani ni Rosmar sa kanyang emosyonal na pahayag.
"Masakit kasi pinagkakatiwalaan mo, tapos ikaw pa ang gagantihan. Pero natutunan ko na hindi lahat ng tumatawa sa harap mo ay totoo. 1.4 million ang nawala, pero mas mahalaga na natutunan ko ang halaga ng tiwala at disiplina" dagdag nito.
Kuwento ng ilang netizens, kapansin-pansin na tila nasaktan hindi lang si Rosmar bilang negosyante, kundi bilang taong nagtitiwala. Sa mga dating vlog at post niya, madalas niyang ipakita ang malasakit at generosity niya sa mga empleyado, kaya’t lalong ikinagulat ng mga tagasubaybay ang insidente.
Ang nangyari kay Rosmar Tan ay isang mapait na paalala sa lahat ng negosyante: kahit gaano mo kamahal o pinagkakatiwalaan ang iyong tauhan, dapat laging may tamang sistema at transparency sa pinansya.
Walang komento:
Mag-post ng isang Komento