Hindi isinasara ni Senator Risa Hontiveros ang posibilidad na siya ang maging pambato sa pagkapangulo ng bansa sa 2028. Sa isang panayam, sinabi ni Hontiveros na bukas siya sa lahat ng posibilidad, ngunit iginiit niyang ang magiging desisyon ay hindi lamang personal kundi nakabatay rin sa mapagkakasunduan ng kanilang mga kaalyado sa oposisyon.
"Hindi ko sinasara ang pintuan sa posibilidad ng pagtakbo bilang Pangulo. Ang mahalaga ay bukas tayo sa lahat ng options, magtulungan at magkaisa alang-alang sa ating mga kababayan. Kung tatawagin ng panahon, handa akong maglingkod."
Ayon kay Hontiveros, ang mahalaga ay ang pagkakaisa ng oposisyon at independent bloc upang makapaglatag ng kandidato na tunay na magsusulong ng interes ng taumbayan. Dagdag pa niya, ang pagbubukas sa lahat ng posibilidad ay isang hakbang upang masiguro ang mas malakas na laban sa darating na halalan.
Matatandaan na kamakailan ay inihayag ni dating Senador Antonio Trillanes IV na si Hontiveros ang nais niyang makita bilang susunod na Pangulo ng Pilipinas, dahilan para lalong umingay ang usapan ukol sa posibleng kandidatura ng senadora.
Ang pagbubukas ni Sen. Risa Hontiveros sa posibilidad na tumakbo sa pinakamataas na posisyon sa bansa ay nagpapakita ng kanyang kahandaan na isantabi ang personal na interes alang-alang sa pagkakaisa ng oposisyon at kapakanan ng mamamayang Pilipino. Sa darating na panahon, ang magiging desisyon niya at ng kanyang mga kaalyado ay tiyak na may malaking epekto sa direksyon ng pulitika sa bansa.
Walang komento:
Mag-post ng isang Komento