Hindi na bago sa showbiz at sa publiko ang pagiging prangka ni Rossana Roces. Sa kanyang kamakailang pahayag, nagbahagi siya ng isang makabuluhang aral na tumama sa damdamin ng maraming netizens.
"Huwag mong isuko ang sarili mo sa pag-asa sa iba. Kumayod ka, dahil pera at trabaho ay hindi lang yaman, kundi dignidad na walang makakakuha sa’yo." -Rossana Roces
Ayon kay Rossana, kahit gaano ka katalino o kabait, darating ang panahon na ang unang bibitaw sa’yo ay ang mismong mga kamag-anak mo. May mga taong natulungan mo noon, ngunit huwag kang mag-assume na sila rin ang tutulong sa’yo kapag ikaw na ang nangangailangan.
Aniya, “Kahit matalino ka, ang unang-una ngang bibitaw sayo ay 'yung kamag-anak mo. 'Yung mga natulungan mo akala mo tutulungan ka nila..? NO.”
Dagdag pa niya, mahalagang matutong mahalin at kaawaan ang sarili sa paraang magpapatatag sa’yo—at iyon ay sa pamamagitan ng pagtrabaho at paghahanapbuhay. Para sa kanya, hindi lang pera ang layunin kundi ang dignidad na kaakibat nito.
“Gumawa ka ng pera, dahil pera is dignity. Trabaho is dignity, ’pag wala ka pareho niyan kawawa ka,” ayon sa beteranang aktres.
Maraming netizens ang sumang-ayon sa kanyang sinabi, lalo na’t marami ang naka-relate sa katotohanang kahit pamilya at malalapit na kaibigan ay maaaring magbago o maglaho sa oras ng kagipitan. Para kay Rossana, ang tunay na kasiguraduhan ay ang sariling kakayahan at sipag.
Ang sinabi ni Rossana Roces ay isang paalala na sa huli, ang dignidad at katatagan ay nakasalalay sa sarili nating diskarte at sipag. Pera at trabaho ay hindi lang para mabuhay, kundi para mapanatili ang respeto sa sarili at sa lipunan.
Walang komento:
Mag-post ng isang Komento