Naniniwala si Pangulong Ferdinand "Bongbong" Marcos Jr. na hindi na aabutan ng 19th Congress ang pinal na desisyon ukol sa impeachment trial laban kay Bise Presidente Sara Duterte—at malamang na ito'y tumawid na hanggang 20th Congress.
“Hindi ko nakikitang kontrobersyal ito. Ang Senado ang magpapasya. Kami sa Malakanyang, manonood lang muna at titignan kung paano ito maipapasa nang maayos mula 19th hanggang 20th Congress.” -PBBM
Sa kanyang pahayag, sinabi ni Marcos na normal lang ang ganitong senaryo dahil hindi sapat ang oras upang maisakatuparan ang buong proseso bago pumasok ang mga bagong senador.
“What is the controversy? It is very clear that it will. Because there is no way that even if they start the trial now, that they will finish it before the new Senators come in,” ani Marcos.
Dagdag niya, hindi ito isang kontrobersyal na isyu kundi bahagi lamang ng takbo ng proseso sa ilalim ng batas. Kaya naman ipinauubaya niya sa Senado ang desisyon kung paano ito iha-handle.
Tiniyak din ng Pangulo na hindi makikialam ang Malakanyang sa mga deliberasyon ngunit patuloy nilang babantayan ang magiging hakbang ni Senate President Chiz Escudero upang masigurong magiging maayos at mapayapa ang paglipat sa susunod na Kongreso.
Bilang dating senador na nagsilbing Senator-Judge sa impeachment trial ni dating Chief Justice Renato Corona, may personal na karanasan si Marcos sa ganitong klaseng proseso.
Habang papalapit ang pagtatapos ng 19th Congress, lalong umiigting ang usapin ng impeachment laban kay VP Sara Duterte. Ayon kay Pangulong Marcos, maaaring hindi ito matapos sa kasalukuyang Kongreso at malamang na ituloy ng 20th Congress ang proseso.
Ang pananahimik ng Malakanyang ay isang indikasyon ng paggalang sa separasyon ng kapangyarihan, ngunit malinaw na binabantayan ng pamahalaan ang bawat hakbang ng Senado. Sa gitna ng lahat ng ito, ang tanong ng marami ay hindi lang kung ano ang mangyayari sa kaso, kundi kung paano ito makaaapekto sa pulitika at tiwala ng publiko sa darating na halalan.
Walang komento:
Mag-post ng isang Komento