Mainit ang social media matapos maglabas ng kontrobersyal na opinyon ang dating Miss Earth Philippines na si Imelda Schweighart, na tinawag na "lasang margarine" at "lasang kanto" ang mga cake at pastries sa Puerto Princesa, Palawan. Ayon sa kanya, marami sa mga panaderya sa lungsod ay kulang sa kalidad, lambot, at lasa.
Sa isang mahabang post sa social media, iginiit ni Imelda na ang kanyang sinabi ay sariling opinyon lamang at hindi dapat ituring na pangkalahatang hatol.
“What I posted was my personal opinion — hindi generalization,” paliwanag niya.
“Sabi ko lang, ‘medyo hindi swak sa panlasa ko.’ Wala naman akong sinabing lahat ng bakers ay walang kwenta.”
Ngunit hindi pa rin napigilan ang pag-ulan ng batikos mula sa mga taga-Palawan at local food enthusiasts. Marami ang nagsabing hindi makatarungan ang kanyang pahayag, lalo’t hindi nito kinikilala ang pagsusumikap ng mga lokal na negosyante.
Mga Kritikal na Pahayag Mula kay Imelda:
“Walang gumagawa ng kakaiba dito... puro ensaymada na hindi fluffy.”
“Lahat lasang 3 weeks na naka-display o margarine ang gamit sa cake.”
“Parang mga hindi nakapag-Maynila.”
Tinuligsa rin ni Imelda ang umano’y kawalan ng creativity at exposure ng ilang local bakers. Nabanggit pa niya ang mga sikat na brand gaya ng Conti’s at Mary Grace bilang standards ng masarap at presentableng cakes.
“I’m open to be proven wrong... this isn’t hate — this is a call for excellence.”
Ang opinyon ni Imelda Schweighart ay muling nagbukas ng diskusyon ukol sa pagtanggap ng constructive criticism, lalo na kapag ito ay mula sa isang public figure. Bagama’t maaaring may punto ang kanyang sinasabi, ang paraan ng paghahatid ng mensahe ay tila hindi na-appreciate ng marami, lalo na sa mga community na kanyang tinukoy.
Mahalaga ang pag-unlad sa kahit anong industriya—ngunit dapat din itong samahan ng respeto sa lokal na kultura, kabuhayan, at panlasa ng komunidad.
“Hindi ako nag-generalize. Gutom lang ako sa fluff, hindi sa drama. Gusto ko lang talagang makatikim ng cake na hindi matigas, hindi puro margarine. Open ako matikman kung meron kayong maire-recommend,” — Imelda Schweighart
Walang komento:
Mag-post ng isang Komento