Nagpakuwento na naman si Rendon Labador, ang kilalang social media personality, matapos niyang ibahagi ang naging di inaasahang engkuwentro nila ni Ai Ai Delas Alas sa isang gym. Sa kanyang Facebook post, ikinuwento ni Rendon na unang beses nilang nagkita ni Ai Ai, at tila naging mabilis ang batian at biruan.
“Hindi naman ako basta-basta nang-aaway online. Ang lagi kong panig, ’yung sa tingin kong tama. Kaya natuwa ako nang malaman kong pareho pala kami ng opinyon ni Ms. Ai Ai.” - Rendon Labador
Ayon kay Rendon, tinitigan muna siya ni Ai Ai bago nagtanong ng, “Ikaw ba ’yun?” Nang hindi pa siya maalala ng komedyana, nagpakilala na si Rendon at pabirong sinabi:
“Ako nga ’yung nang-aaway sa social media. Pero inaaway ko lang naman ’yung mga tingin kong mali at ipinaglalaban ko lang ’yung mga taong naaapi.”
Ang nakakagulat? Nagbitiw umano ng salitang “Hindi ko rin bet si Diwata, kampi tayo d’yan” si Ai Ai, na ikinatuwa naman ni Rendon. Ani niya, “Ako na bahala dun, idol.”
Hindi malinaw kung biruan lang o may seryosong pahiwatig ang komento ni Ai Ai, ngunit mabilis itong kumalat sa social media, lalo na’t si Diwata, isang viral pares vendor, ay kilalang-kilala ngayon sa internet dahil sa kanyang kakaibang personalidad at kabaitan sa kanyang mga customer.
Sa pagtatapos ng post, pabirong sinabi pa ni Rendon:
“Hindi ko na maalala kung na-bash ko si Ai Ai noon. Sa dami kasi. Hahaha.”
Sa gitna ng kasikatan ni Diwata sa social media, tila may mga personalidad din sa industriya na may ibang pananaw sa kanya. Bagamat maaaring biruan lamang ang naging usapan nina Ai Ai at Rendon, hindi maikakaila na ang simpleng komento ay naging mitsa ng bagong usap-usapan online.
Habang tuloy pa rin ang pag-angat ni Diwata bilang isang social media darling, paalala ito sa lahat ng netizens na ang kasikatan ay may kaakibat na iba't ibang opinion positibo man o negatibo.
Walang komento:
Mag-post ng isang Komento