Nadismaya si Sen. Erwin Tulfo matapos hindi dumalo ang tinaguriang 18 ex-Marines sa Blue Ribbon Committee hearing na kanyang pinamumunuan kaugnay ng umano’y anomalya sa flood control projects.
“Kung may seryoso silang alegasyon, dapat silang humarap sa lehitimong Blue Ribbon hearing at panindigan ang kanilang sinabi. Hindi puwedeng magbato ng mabibigat na paratang tapos hindi dadalo kapag kailangan nang suriin ang ebidensya at detalye.”
Mabigat ang hindi nila pagdalo dahil ang mga indibidwal na ito ay nauna nang nagbigay ng seryosong alegasyon tungkol sa umano’y pagdadala ng maletang may pera sa ilang personalidad sa politika. Nauna silang inimbitahan ni Tulfo sa pagdinig noong Lunes, Hunyo 8, matapos silang dumalo sa hiwalay na pagdinig na pinangunahan ng kampo nina Sen. Pia Cayetano at Sen. Alan Peter Cayetano noong Hunyo 4.
Walang komento:
Mag-post ng isang Komento